വെളുത്ത ഉടുപ്പുകൾ

 

ദയ ഭായ് , അമ്മ ഇടേണ്ടി യിരുന്നത് 

ലെഗ്ഗിൻസും സ്ലീവേലെസ്സ് ടോപ്പും പിന്നെ 

കൂട്ടിനൊരു സ്റ്റൊളും 

ചറ  പറ how do you do ?

 ഐ പാഡിൽ വീഡിയോ കാൾ 

കളഞ്ഞില്ലേ മാനം?

ഇനി കരഞ്ഞിട്ടു എന്ത് കാര്യം?

സർക്കാർ വണ്ടിയിൽ കയറി  ഉള്ള മാനവും  കളഞ്ഞു 

വായ്ക്കരി

കുറ്റവാളികൾക്ക് നിയമം അനുശാസിക്കുന്ന 

പ്രായ പരിധി നാം  മാനിക്കണം 

വോട്ട് ചെയ്യാൻ ഒരു പ്രായം

 കല്യാണം കഴിക്കാൻ ഒരു പ്രായം 

ജനിക്കാനും മരിക്കാനും പ്രായ പരിധി 

ലോകം കീഴടക്കാൻ 

ഭരിക്കാൻ, നശിക്കാൻ ,ഒരു പ്രായം 

നിയമത്തിനു പ്രായം ഒരു പ്രശ്നം 

ആണെന്ന് അറിഞ്ഞത് കുറ്റവാളികൾക്ക് 

ആശ്വാസമാകും 

അങ്ങനെ നാട് നമുക്ക് ഒരു അഭിരാമ ഭൂതലം ആക്കണം 

കുറ്റവാളികൾ,കൂട്ടുപ്രതികൾ ,കൂട്ടിക്കൊടുപ്പുകാർ 

എനിക്കിഷ്ട്മായി ....

വേണോ ?

കഷ്ട്ട കാലം പിടിക്കുന്ന സമയത്ത്
തല മൊട്ട അടിച്ച
ഭാഗ്യ ദോഷി പോലെയാണ് ചിലപ്പോള്‍ അടിയനും.

കല്ലേറ് എവിടെ നിന്നു വരും എന്ന് പറയാന്‍ വയ്യ.
മൊട്ട അടിച്ച തലക്ക്
ചേര്‍ന്ന തൊപ്പി കൊണ്ട് നടക്കുകയെ
പിന്നെ വഴി ഉള്ളൂ


അടിയത്തുങ്ങളെ
ഒരു വഴിക്കാക്കിയ
പരസ്യ വ്യായാമങ്ങള്‍ .

കറ നല്ലതാണെന്ന് പറയുന്നു സോപ്പ് കമ്പനിക്കാര്‍,
ആയ്ക്കോട്ടെ.
ഒരു ചായ കുടിച്ചാല്‍ നിങ്ങള്ക്ക്
സ്വാതി തിരുനാള്‍ വരെ ആകാന്‍ കഴിഞ്ഞേക്കും
ഒരു ചായ കമ്പനി അവകാശപ്പെടുന്നുണ്ട്.

ജിറാഫിന്റെ നീളമുള്ള ഒരു സതീ രത്നം
പട്ടിയുടെ പടമെടുത്തു സാരിക്ക്
പോസ് ചെയ്തു കൊണ്ട്,
പാരീസ് മുതല്‍ ജിബ്രാള്‍ട്ടര്‍ ജലസന്ധിയിലൂടെ
ഇങ്ങു പാലാരിവട്ടം വരെ
ഒരുത്തനെ ഇട്ടു ഓടിക്കുന്നു.
(പട്ടിയുടെ മുടി അവള്‍ക്കും അവളുടെ മുടി
പട്ടിക്കും അല്ലെ വേണ്ടിയിരുന്നത്?)

അപ്പോള്‍,
വൈറ്റ് ലഗോണ്‍ കോഴി
ഈസി ആയി മുക്കി മുട്ട ഇടുന്ന
പോലുള്ള വലിഞ്ഞുള്ള നടത്തം
അടിയനു ഇഷ്ട്ടമാകാതിരിക്കുന്നത് എങ്ങിനെ?

ഗുണ പാഠം :

നല്ല ചെമ്പക പ്പൂവിനെ
അടിയന്‍ മിസ്സ്‌ ചെയ്യുന്നത്
അസാരം നാറ്റമുള്ള
പിച്ചകം മണക്കുമ്പോള്‍

എഴുതാ പുറം :

ചാനലുകളില്‍ ഓടി നടന്നു
അത്യാവശ്യം വിവരക്കേടുകള്‍ കാണിച്ചും പറഞ്ഞും
ജീവിച്ചു പോകുന്ന സെലിബ്രടീസ്.
(ഇവന്മാരെ/ ഇവളുമാരെ ക്കൊണ്ടുള്ള ശല്യം
മൂത്തിട്ടാനെന്നു തോന്നുന്നു
മലയാളം സിനിമ ലോകം ഏതാണ്ട്
കണ്ടം വെച്ചു തുടങ്ങി.)

"നമ്പിയാരെന്ന് ചൊല്ലിനാല്‍ "

പറയുന്ന വാക്കും തൊടുത്തു വിട്ട അമ്പും
തിരിച്ചെടുക്കാന്‍ ഭരണചക്രം
തിരിക്കുന്നവര്‍ക്ക് കഴിയട്ടെ..
ജനാധിപത്യം !!

കുമാരനെ
പുറത്താക്കണം
അല്ല, ചാട്ടയ്ക്കടിക്കണം
അയ്യേ, നാട് കടത്തണം ഇങ്ങനെ പലര്‍
പാവം..
വേണ്ട,
തെറ്റുകള്‍ മനുഷ്യ സഹജം
പൊറുക്കുന്നതോ ദൈവ ദത്തം,
പോപ്‌ അലക്സാണ്ടര്‍ ജയിക്കട്ടെ.

വാല് കഷണം:
" "നമ്പി" യാരെന്ന് ചോദിച്ചു
നമ്പിയാരെന്ന് ചൊല്ലിനാല്‍
....................
തമ്പുരാനേ പൊറുക്കണം "

കോന്‍ ബനേഗ ക്രോര്‍ പതി?

യുദ്ധാവസാനം ജലാശയത്തില്‍ ഒളിച്ചിരുന്ന്
കരയില്‍ നില്‍ക്കുന്നവരെ നോക്കി
"മാഫി മാഫി" എന്ന് വെല്ലു വിളിച്ച
(എന്ന് വെച്ചാല്‍ തോല്‍ക്കാന്‍ എനിക്ക് മനസില്ല)
സുയോധനാ നിനക്ക് ഒരു
ഒന്നൊന്നര നമോവാകം

ഒരു ജനതയെ ശ്വാസം മുട്ടിച്ചു
പ്രാണന്‍ നില നിര്‍ത്തിയ
ഗദ്ദാഫിയ്ക്കും

ഒളിച്ചിരിക്കാന്‍ മലിനജലം ഗദ്ദാഫിക്ക്
വെറും ജലാശയം മതി ദുര്യോധനന്
-അല്ലെങ്കിലും ജലാശയം മുന്‍പും
ചതിച്ചിട്ടുണ്ട്
പാവം സുയുധനനെ

തോല്‍ക്കുമ്പോള്‍
തണുത്ത വെള്ളത്തില്‍
തല മുക്കി പ്പിടിച്ചാല്‍
സ്വര്‍ഗത്തില്‍
ഒരു സീറ്റ് ഏതാണ്ട്
ഉറപ്പായി !!


പരന്തു, ഹസ്ഥിനപുര്‍ ക രാജ്കുമാര്‍ ഉവാച :
യുദ്ധം എനിക്ക് മടുത്തു
നിങ്ങള്‍ തന്നെ എന്താച്ചാല്‍
ആയിക്കോളൂ...
നോം എല്ലാം മടുത്തിരിക്കാണ്‌..

ഇനി അല്‍പ്പം സ്രഗ്ദ്ധര വൃത്തത്തിലും
ശാര്‍ദൂല വിക്രീടിതത്തിലും കൂടി
ഒരു പിടി പിടിക്കാന്‍ ശ്രമിക്കാം
താഴെ അപ്രകാരം

ഇത്ഥം സുയോധനന്‍ ,
ഞാന്‍ എന്റെ സഹോദരങ്ങളോടും
സുഹൃത്തുക്കളോടും കൂടി
സ്വര്‍ലോകം വാണോളാം

ഇത്തരം ഉര ചെയ്തു സത്വരം സുയോധനന്‍
പിന്നെയും ഭരണ കൂടങ്ങള്‍ക്ക്
അഗ്നി ചിറകു വീശി ക്കൊണ്ട്
മേവുന്നു ചുറ്റും ...

അവസാനം

ഒന്നാന്തരം തീവ്ര വാദിയും പറയുന്നു
കോന്‍ ബനേഗ ക്രോര്‍ പതി?

മൊഴിമാറ്റം:
വെക്കരുതേ വെടി.
എനിക്കും ജീവിക്കണം.

ആര്‍ക്കാണ് ജീവിക്കെണ്ടാത്തതും
അല്ലെങ്കിലും?

ഊഷ്മ മാപിനി

അവിടെ എല്ലാവരും മരിയ എന്ന് വിളിച്ചിരുന്ന എന്നെ
മമ്മായും പപ്പായും ദത്തെടുത്തു
മമ്മ പപ്പാ എന്നും
വിളിക്കാന്‍ പഠിപ്പിച്ചു
കുടിക്കാന്‍
അമൂല്‍
കഴിക്കാന്‍ ചോക്കലേറ്റും
ഇഷ്ട്ടം പോലെ.
ഉടുക്കാന്‍
ഒന്നാന്തരം
ഉറങ്ങാന്‍ പട്ടു മെത്ത
തീരെ ചെറിയ കുട്ടിയെ ദത്തെടുത്താല്‍
ബുദ്ധിമുട്ടായെനെ..
എന്ന്
പപ്പാ എന്ന്റെ ചെവിയില്‍ പറഞ്ഞത്
മമ്മ കേട്ടില്ല
പാതിരായ്ക്ക് എന്റെ ബെഡ്ഡില്‍
പപ്പയെ കണ്ടപ്പോള്‍
മരിയക്ക് സന്തോഷം കെട്ടിപ്പിടിച്ചു കിടക്കാന്‍ ആളായല്ലോ.
പപ്പാ ഊരി എറിഞ്ഞ എന്റെ
വസ്ത്രങ്ങള്‍ ഒന്നും പിന്നീടങ്ങോട്ട്‌
എനിക്ക് വേണ്ടി വന്നില്ല.

കാച്ചില്‍ പ്രഭാകര്‍

* ഇ വീ കൃഷ്ണ പിള്ളയുടെ കാച്ചില്‍ കൃഷ്ണ പിള്ളയോട് കടപ്പാട്


ഞങ്ങളുടെ നാട്ടില്‍ ഒരു പ്രഭാകരന്‍ ഉണ്ടായിരുന്നു
പത്താം ക്ലാസ് കഷ്ട്ടിച്ചു പാസ് ആയ
ഭാര്യ അയാളെ പ്രഭാകര്‍ എന്ന് വിളിച്ചു
അമ്മയ്ക്കും അപ്പനും അയാള്‍
ഭാഗ്യ സന്തതി ആയിരുന്നു
ഉടുക്കാന്‍ മുണ്ടില്ലാഞ്ഞിട്ടും
തിന്നാന്‍ ചോറില്ലാഞ്ഞും
ചെല്ലം കൊടുത്തു വളര്‍ത്തി.
ആറെണ്ണത്തിനെ പെറ്റ അമ്മ
കണ്ണിനു കണി പോലെ വളര്‍ത്തി
പഠിപ്പു കഴിഞ്ഞ കൂട്ടുകാര്‍ക്ക് എല്ലാര്‍ക്കും'ജോലി
കിട്ടിയപ്പോള്‍ എല്ലാ അമ്മമാരെ പോലെ ഈ അമ്മയ്ക്കും
ആധിയായി

വല്ല വിധേയനെയും കടല് കടന്നു ഒരു ഭാഗ്യം വന്നെത്തി
കാലം കൊറേ കഴിഞ്ഞപ്പോ
കട ബാധ്യത മൂലം
അപ്പന്‍ ആത്മഹത്യ ചെയ്തു
ചേച്ചി കുടുംബ പ്രശ്നങ്ങളാല്‍ സ്വയം ഹത്യ ചെയ്തു
അനിയന്‍ ഹൃദയാഘാതം മൂലം ഇഹ ലോകം വെടിഞ്ഞു

കുടുംബത്ത് നടന്ന
ദുര്‍ വിധികള്‍ പുറത്തു പറയാന്‍ നാണക്കേടെന്ന്
പ്രഭാകര്‍
ഇപ്പോള്‍ തലയില്‍ മുണ്ടിട്ടാണ്
നടക്കുന്നത്.

തറവാട് ഭാഗിച്ചു
സഹോദരങ്ങളെ കെട്ടിച്ചയച്ച വീതം വേണമെന്ന് ശഠിച്ചു .

പ്രഭാകറും പെണ്ണും
ചോദിച്ചതില്‍ തെറ്റുണ്ടോ?
പാവങ്ങള്‍ക്കും ജീവിക്കണ്ടായോ?

അത്ര നാണക്കേടാണേല്‍ അതിയാന്‍
കൊച്ചി രാജ കുടുംബത്തിലെതാണെന്ന്
പറഞ്ഞേക്കാന്‍
ഒരുത്തന്‍ രണ്ടും കല്‍പ്പിച്ചു പ്രഭാകരിനോട് പറഞ്ഞു പോല്‍.

പണം കയ്യില്‍ വന്നു കൂടിയതോ
തല തിരിഞ്ഞതോ..!!!

ഈ പ്രഭാകരനെ ഞാന്‍ അറിയും.

വയസായ അമ്മയ്ക്ക് ചിലവിനു കൊടുക്കാതെ
അമ്മയ്ക്ക് എന്തേലും വന്നു പോയാല്‍
ഞാന്‍ ഒന്നും വരാന്‍ പോകുന്നില്ലെന്ന്
കട്ടായം പറഞ്ഞു ഒരു മുങ്ങു.

തലയണ മന്ത്രo

ഈ പ്രഭാകര്‍ ഇന്നത്തെ കുടുംബ
വ്യവസ്ഥിതിയുടെ തുടര്‍ച്ചയാണ്

കണ്ണകിയും കസ്തൂരിയും

ഈ കോവലന്‍ പിന്നേം പുനരവതരിച്ചുവോ?
പാണ്ട്യ രാജന്റെ വാള്‍ പന്തങ്ങള്‍ക്ക്
തല വെച്ചു കൊടുക്കാന്‍?

ഈയിടെ
കോവലന്‍ രഘു ആയി
എന്റെ നാട്ടില്‍ വന്നിറങ്ങി...

പണം മോഷ്ട്ടിചെന്നു
ജനക്കൂട്ടം

ഇല്ലെന്നു പറയാന്‍ നാവ് പൊന്താഞ്ഞതോ
അയാളെ വിലക്കിയതോ?

അന്ന്,
ഒരു ഇരട്ട ചിലമ്പ് കൊണ്ട് നീ പാവം ആയി....
ഇന്ന്..

"പാവം" ഗണ്‍ മാനെന്നു
മന്ത്രി പറഞ്ഞാല്‍ എന്തിനു
അവിശ്വസിക്കണം ?
മന്ത്രി അല്ലെ മന്ത്രി?

അന്ന് ചിലമ്പ്
ഇന്ന് മോതിരം
അന്ന് കണ്ണകി ഇന്ന് കസ്തൂരി

ഒരു നാട് വെണ്ണീറാക്കാന്‍ അന്ന് കണ്ണകി

മൂക്കും മുലയും സാംസ്കാരിക കേരളത്തിനു
നേരെ അറുത്തിട്ടു
തീ നൃത്തമാടാന്‍ ,
ഒരു രണ്ടാം ഭഗവതി ആകുവാന്‍
കസ്തൂരിക്കാകുമോ ?

വാല്‍കഷണം: ഒരു കുടുംബം വഴിയാധാരമാക്കിയപ്പോള്‍ നമുക്ക് എന്ത് സുഖം!!!
നമ്മള്‍ ഇനി എന്തിനു വേണ്ടി പൊരുതണം?

കേരളമെന്നു കേട്ടാല്‍......

എന്നതാടാ, ഉവ്വേ, ഇതൊക്കെ?

അഡ്മിഷന്‍ കൊടുത്തെന്നും കൊടുക്കരുതെന്നും.
കൊടുത്താല്‍ എന്തെ,?
കൊടുക്കണോ, കൊടുക്കണ്ടേ?
ഇങ്ങനെ കൊഴപ്പിക്കുന്ന പല സംശയങ്ങള്‍ !!!

ഈ എഞ്ചിനീയറിംഗ് പണ്ടേ ഒരു പ്രശ്ന പ്രഹേളിക
ആന്നേ അടിയന്!!!
പണ്ട് രാജനെ കഴുവേറ്റിയതും ഇത് പോലൊരു
കാളേജില്‍....

ഇപ്പോള്‍ ദാ..
അടിയനും കേട്ടിരിക്കുന്നു ഒരു സന്ദേശം
ആ മനുഷ്യന്‍ നോം തന്നെ എന്ന്..

ഓടിയവനും, ഓടിച്ചിട്ടവനും
ഒരു പോലെ കിതപ്പ് ..
ഒന്നിനും രണ്ടിനും ഇരിക്കാത്തവന്‍
മൂന്നാമത്തെ പന്തിയില്‍ എന്ന് മറു പക്ഷം.

നേരെ ചൊവ്വേ മുള്ളാന്‍ പോലും
ലവന്മാര്‍ സമ്മതി ക്കുന്നില്ലെന്ന്
പരാതിക്കാരന്‍.

ഒരു ചെക്കനും,അവനു പിന്നാലെ ഒരായിരം
തോക്കുകളും.

ഹൈ സ്കൂളില്‍, പണ്ട് അടിയന്‍
പാസ്കല്‍ നിയമവും ഒസ്മോസിസും,
പ്ളവന തത്വവും
കാണാ പാഠം പഠിച്ച സമയത്ത്
ശരിക്കൊന്നു എണ്ണാന്‍ പഠിച്ചിരുന്നെങ്കില്‍?

ഒന്നും രണ്ടും കഴിഞ്ഞാല്‍ , മൂന്നെന്ന് എണ്ണുക.
ഇപ്പോള്‍ മൂന്നു കഴിഞ്ഞാല്‍ എന്തും എണ്ണാം എന്നായി..

മയ നിര്‍മിത കൊട്ടാരത്തില്‍
മുണ്ട് പൊക്കി നടന്ന
ദുര്യോധനനെ പോലെ
ദേവ ദേവ, സ്ഥല ജല വിഭ്രാന്തി, ശ്ശി അടിയനും.
എവിടെ വെള്ളം, ഏത് കര?

ക്ലീന്‍ ബൌള്‍

മലയാളീ സിനിമാ താരങ്ങള്‍ക്ക് "ദേശീയ
ശ്രദ്ധ" കിട്ടുന്നതിനായി
സീ സീ എല്‍ ഒരുക്കുന്നു
ഒരു കളി തട്ട് ,
ഭാര വാഹികള്‍ എന്താണ് ഉദ്ദേശിക്കുന്നത് ആവോ?
ഇതില്‍ വല്ല "വിലക്കോ" "ഉളുക്കോ"
വന്നു പോയാല്‍
സംഗതി യാദൃശ്ചികം എന്ന്
മുന്‍‌കൂര്‍ എഴുതി വെച്ചാല്‍
മധ്യസ്ഥര്‍ക്ക്
പണി കുറയും.

ദേശീയ മദ്യപാനം പോലെ വല്ലോം ആണോ
ഈ ദേശീയ ശ്രദ്ധ ?

ശ്രദ്ധയ്ക്ക് ‍അനന്ത സാധ്യതകള്‍!!

"അമ്മ" സെക്രട്ടറി ! അച്ഛന്‍ എക്സീകുട്ടിവ് മെമ്പര്‍ !

(അച്ഛനു അല്ലെങ്കിലും എവിടേം ഒരു വില ഇല്ലാത്ത കാലം)

വീട്ടിലെ അച്ഛന്‍ നല്ലതായിരുന്നെങ്കില്‍ അമ്മ ഇങ്ങനെ
വേലി ചാടുകില്ലല്ലോ.

ഞാന്‍ കെട്ടിക്കോട്ടേ?

ഞാന്‍ കെട്ടിക്കോട്ടേ?
*********************
എന്നും വഴിയില്‍ കാണാറുള്ള
സുന്ദരന്‍
കെട്ടിക്കോട്ടേ പെങ്ങളെ എന്ന്
എന്നോട് ചോദിക്കുന്നു
കഷ്ട്ടപ്പെട്ടു വരുത്തിയ
നാണം കൊണ്ട് ഞാന്‍ ചുവന്നു..
മൌനം സമ്മതം.
പ്രതീക്ഷ..


എന്റെ പൂന്തോട്ടത്തിലെ
തേക്കിന്‍ ചുവട്ടില്‍
കെട്ടഴിഞ്ഞു പോയ പശുവിനെ
കയറോടെ
കെട്ടിയിട്ട അയാള്‍
പശുവിനെ നുള്ളി..
"അബ്ട കിട .ഇനി നീ എങ്ങോട്ട് പോം ?"




ചില്ലറ
*********
യാത്രയ്ക്കിടയില്‍
കയ്യും തലയും പുറത്തിടരുതെന്നു...
(കാലു വാരല്‍ കൊണ്ടാണോ കാല്‍ പെടുത്താതത്?)
ചില്ലറ ഇല്ലെന്നു കഷ്ട്ടപ്പെട്ടു പറഞ്ഞിട്ടും
ചില്ലറ ഇല്ലാതെ യാത്ര ചെയ്യരുതെന്ന്
കണ്ടക്ടര്‍ എന്നോട് മാത്രം
കാതില്‍ പറയുന്നു
മൊത്തമായോ ചില്ലറയായോ
ചില്ലറ വേണ്ടത്?
ശരിക്കും അയാള്‍ക്ക്‌ ചില്ലറ തന്നെയാണോ പ്രശ്നം?

അന്പേ ശിവം

ചന്ത
****

കാശ് കിട്ടിയാല്‍ തുണി എത്ര വേണേലും ഊരാം എന്ന്
നടി
അര കാണിച്ചാല്‍ അരി വാങ്ങിക്കാം
അരയുടെ വലിപ്പം അനുസരിച്ചു
ദുബായീ ഷോപ്പിംഗ്‌ ഫെസ്റ്റിവലിന് വരെ പോകാം

അന്പേ ശിവം
*************

ഒരു മധുരക്കിനാവ്
പുതിയ കുപ്പിയില്‍ ആക്കി
പാണ്ടി മേളത്തോടെ
മാര്‍ക്കറ്റില്‍ വന്നിരിക്കുന്നു
ഉടമസ്ഥന്‍ അടിയും തടയും നോക്കി
രക്ഷ ഇല്ലെന്നു കണ്ടു
പരാതി കൊടുത്തു.
പരാതിക്കാരന്‍ വെറും ഹര്‍ജ്ജിക്കാരന്‍ എന്ന്
എതിര്‍ കക്ഷി
ആണുങ്ങള്‍ ഉണ്ടാക്കിയ
പാട്ടാണെന്ന് പിന്നെ.
പാവം ബിച്ചൂ..
പണ്ട് ഗന്ധര്‍വന്‍
പാടിയ പാട്ടുകള്‍ക്ക്
റോയല്‍ട്ടി വേണം എന്ന്
വാശി പിടിച്ചവരെ
ഇവിടെങ്ങും
കാണുന്നില്ലലോ.
നാട് വിട്ടോ,
റോയല്‍ട്ടി വാങ്ങിയോ?
അന്പേ ശിവം !!!

റോബര്‍ട്ടോ പെനാഗിയോ മിംഗ്

കണ്ണന്‍ എന്ന് വിളിച്ചത് അമ്മ
അച്ഛനോ, അവന്‍ രോഹിത്
രോഹിതും കണ്ണനും അവനിഷ്ട്ടമില്ലയിരുന്നു
തന്നോളം ആയപ്പോള്‍
അവന്‍ റോബര്‍ട്ടോ പെനാഗിയോ മിംഗ് എന്ന്
സ്വയം പരിചയപ്പെടുത്തി എല്ലാവര്ക്കും.
വളര്‍ന്നപ്പോള്‍,
പുതിയതായി നിരത്തിലിറക്കിയ
KSRTC സൂപ്പര്‍ ഫാസ്റ്റ്
അവനും കൂട്ടരും കാറ്റു കുത്തി പൊട്ടിച്ചു പഞ്ചറാക്കി വിട്ടു
യാത്രികരെ വിഡ്ഢി കൂശ്മാണ്ടങ്ങള്‍ ആക്കി ,
സ്വാതന്ത്ര്യത്തിന്റെ അതി ജീവനം
ആദ്യമായി ആഘോഷിച്ചു

ഒരു സുന്ദരി പെണ്ണും നൂറും പവനും കിട്ടിയപ്പോള്‍
കെട്ടാമെന്നു വെച്ചു
കൊച്ചുണ്ടായപ്പോള്‍ നല്ലതും നന്മയും
പഠിപ്പിക്കാന്‍
അവന്‍ എന്തോന്ന് എടുത്തു പഠിപ്പിക്കും?
നേരിന്റെ ഹരിശ്രീ കണ്ടിട്ടില്ലാത്ത
റോബര്‍ട്ടോ പെനാഗിയോ മിംഗ്.

അയാള്‍

അയാള്‍ക്ക്
നഗരത്തില്‍ ജോലി
വാടകയ്ക്ക് താമസം
കിടക്കാന്‍ "സുനിദ്ര"
ഉണ്ണാന്‍ ചെറിയാന്‍ മാപ്പിളയുടെ പറ്റു കട
ഉടുക്കാന്‍ മുണ്ടും, അലക്കാന്‍
501 ബാര്‍ സോപ്പും തന്നു,
അയാളുടെ ആത്മാര്‍ത്ഥ സുഹൃത്ത്‌ ചന്ദ്രപ്പന്‍
അയാള്‍ക്ക്‌ വേണ്ടി എന്തും ചെയ്യാന്‍ ഒരുക്കം.
ചാകാനും , കൊല്ലാനും, ഒരുത്തനെ
വെട്ടാനും, വേണ്ടി വന്നാല്‍
ചന്ദ്രപ്പന്‍ തയാര്‍.
പകരം ചന്ദ്രപ്പന് വേണ്ടത്
അയാളോടോത്തുള്ള രാത്രികള്‍ !!

ആത്മഗതം: മുകില്‍വര്‍ണ്ണനെ പോല്‍ മുഖ കാന്തി ഉള്ളവര്‍
നഗരത്തില്‍ വരേണ്ടിയിരുന്നില്ല .

ഉത്സവം

ഉത്സവം

ഒരുത്തന്റെയ് കൈ പിടിച്ചു ജീവിതത്തിലേക്ക്
കയറി നളിനിയേടത്തി.
ദിവാകരനോ, അവന്‍ പലര്‍ക്കും
കൈ കൊടുത്തു മറ്റുള്ളവരുടെ ജീവിതത്തിലേക്കും
പിടിച്ചു കയറി..
ചാറ്റിംഗ്, മീറ്റിംഗ്, മേറ്റിംഗ് എല്ലാം
കഴിഞ്ഞു നോക്കുമ്പോ
ദിവാകരന്റെ കൂടെ നിക്കാന്‍
നളിനിയേടത്തിയുടെ പൊടി
പോലും കണ്ടില്ല
ഏടത്തി ,ചെത്തുകാരന്‍ നീലാംബരന്റെയ്
കൂടെ
ഉത്സവം കാണാന്‍ പോയി..

കുട്ടികള്‍ ഒന്നോ രണ്ടോ ?

കുട്ടികള്‍ ഒന്നോ രണ്ടോ ?
അല്ല ഒന്നു മതി ,ഒന്നും ഇല്ലേലും സാരമില്ല.
ചൊവ്വുള്ള പിള്ളേര്‍ ഉണ്ടായാല്‍ മതി
നാടിനും നാട്ടാര്‍ക്കും തലവേദന ഉണ്ടാക്കുന്ന
പിള്ളാരെ വേണ്ടന്നെ
പറഞ്ഞുള്ളൂ.
തന്തയേം തള്ളയേം
പട്ടിക്കൂട്ടില്‍ അടച്ചു പട്ടിണിക്കിടുന്ന
പിള്ളേരെ വേണ്ട നമുക്ക്.
പെണ്ണിനെ കാഴ്ച വെച്ചു കള്ള് കുടിക്കുന്ന
തന്തയെ വേണ്ട നമുക്ക്
പെണ്ണിന്റെ നല്ല "ഭാവി" ഓര്‍ത്തു
വന്നു പോയ ഭവിഷ്യത്തിനെ
വളമാക്കി എടുക്കുന്ന
തള്ളയും പോയി തുലയട്ടെ.

ആദ്യം
ജീവിതത്തെ സ്നേഹിക്കാന്‍ പഠിക്കട്ടെ അച്ഛനുമമ്മയും.
എന്നിട്ട് മതി എത്ര വേണം എന്ന കണക്കു..
അതിനു കഴിവുള്ളവര്‍ക്ക് പോരെ
നിയോഗം?
വെറുതെ ജന സാന്ദ്രത കൂട്ടാന്‍
അല്ലെങ്കില്‍ പിള്ളേര്‍ എന്തിനു?

സ്നേഹിക്കുന്ന കുടുംബം ഉണ്ടാകട്ടെ.
അതാണ്‌ അദ്ദേഹവും ഉദ്ദേശിച്ചത്
കാള പെറ്റെന്നു പറഞ്ഞു കയര്‍ എടുക്കുന്നത് എന്തിനു?

ചൊവ്വുള്ള ഒന്നിനെ എങ്കിലും കാണുവാന്‍ എനിക്കും കൊതി.
ചൊവ്വുള്ള അപ്പനും അമ്മയും മുറ്റം നിറയെ
സ്നേഹം ചിരിക്കുന്ന കുട്ടികളും.

വാല്‍ കഷണം: ചൊവ്വല്ലാത്തവര്‍ ഇത് വായിക്കരുത് .

എന്റെ പ്രിയ സുഹൃത്ത്‌ ശങ്കര്‍ അറിയുവാന്‍

പ്രിയമുള്ള ശങ്കര്‍,

ഈ ശങ്കര നാമം ശരിക്കും ഭഗവാന്റെ ആണെന്ന്
നിങ്ങള്‍ തന്നെ ഒരിക്കല്‍ എന്നോട് പറഞ്ഞിട്ടുണ്ട്.
"സൗന്ദര്യം ലഹരി" കൊണ്ട്
എഴുതിയ ആദി ശങ്കരനെയും
ഒരു കുറവനെയും ഈ ശങ്കരനില്‍ കാണുവാന്‍
ഒരു ശ്രമം നടത്തുന്നു പിന്നെ ഞാന്‍.

സത്വ ഗുണ പ്രധാനനും
എന്നാല്‍,
രുദ്ര രൂപിയുമായ സാക്ഷാല്‍ ശങ്കരന്‍.
ഗൗരീ ശങ്കരന്‍ എന്ന് എന്നെയും നിങ്ങളെയും
ഒരു മിച്ചു ചേര്‍ത്ത് വിളിക്കാം എന്ന്
നിങ്ങള്‍ തന്നെ എന്നോട് പറഞ്ഞപ്പോള്‍
എന്നെ രാജശ്രീ എന്ന് വിളിക്കാന്‍ ഞാന്‍ പറഞ്ഞു.


ജീവിതത്തോട് വിരക്തി തോന്നി
തുടങ്ങുന്നു ചിലപ്പോള്‍ എന്ന്
നിങ്ങള്‍ പറഞ്ഞപ്പോള്‍
ഭഗവാനെ മറന്നു കൊണ്ടുള്ള
പ്രവര്‍ത്തികള്‍ ചെയ്യുന്നത് കൊണ്ടാണെന്ന്
ഞാന്‍ തിരുത്തി.
എന്ത് ചെയ്താലും തൃപ്തി ഇല്ല.
ചെയ്യുനതിനോട് എന്തിനോടും വെറുപ്പ്‌,
വേറിട്ട ഒരു മുഖം എന്നിലൂടെ കാണുവാന്‍
ചിലപ്പോള്‍ ശ്രമിക്കാറുണ്ട് എന്ന്
പറഞ്ഞത് എനിക്ക് compliment ആയി.
ഇപ്പോള്‍ ശങ്കര്‍ നിങ്ങള്‍
അറിയാതെ നിങ്ങള്ക്ക് ഒരു തുറന്ന കത്ത്
എഴുതുകയാണ്.
കത്ത് വായിക്കുന്ന കൂട്ടത്തില്‍ ശങ്കര്‍
നിങ്ങള്‍ ഉണ്ടെങ്കില്‍ എനിക്ക് മറുപടി തരിക.
ഒരിക്കലും,ദൂരെ കാണാതെ ,
നക്ഷത്രങ്ങളുടെ കണക്കെടുക്കുന്നതിനു പകരം
ഇവിടെ വരൂ,
നീലനക്ഷത്രങ്ങളെ
കൂടെ കൊണ്ട് പോരാം,
വാരി ചൂടാം.


സ്നേഹത്തോടെ രാജശ്രീ

പട്ടിണി മരണത്തിനു വിലക്ക്‌

സുപ്രീം കോടതി പറയുന്നു : പട്ടിണി കൊണ്ട് ആരും ഇനി മരിക്കരുത്

വിഷം കൊണ്ടുള്ള മരണം
കത്തി കുത്ത്, വെള്ളം കുടിച്ചു ,കരള്‍ വീക്കം
റോഡ്‌ ആക്സിടന്റ്റ്‌ ഇങ്ങനെ പലതരത്തിലുള്ള
മരണം ആകാമോ?

തുടങ്ങിയ ചോദ്യങ്ങളുമായി
വരരുത് ദയവായി ..


നീതി പീoങ്ങളുടെ
ഉദ്ധേശ ശുദ്ധിയാല്‍
മാപ്പ് തരുന്നു അടിയന്‍.

അരിയുടെ വില ഇനിയും കുറഞ്ഞേക്കാം
തുണിയുടെ?-കുറഞ്ഞിട്ടെന്തു കാര്യം?
എന്ത് കുറഞ്ഞിട്ടെന്തു കാര്യം?
വേണ്ടപ്പോള്‍ വേണ്ടുന്ന വിധം
ഉപയോഗിക്കാന്‍ അറിയാതെ
എന്ത് കുറഞ്ഞിട്ടെന്തു കാര്യം?


വാല്‍ കഷണം : അഭിനയ കുലപതികള്‍ക്ക് മാത്രം അല്ല വിലക്ക്‌

"ഭാരത സ്ത്രീകള്‍ തന്‍ ഭാവ ശുദ്ധി"

നിയമം
---------

ഊര്‍ജത്തെ നിര്‍മ്മിക്കാനോ നശിപ്പിക്കാനോ സാധ്യം അല്ലെന്നു
ഊര്‍ജ സംരക്ഷണ നിയമത്തില്‍ പറയുന്നു.
അങ്ങനെ ഒരു നിയമം ഭരണഘടനയില്‍ ഉണ്ടോ എന്തോ?
******************************************************

യുദ്ധം
-------
ഒരു വേഷത്തില്‍ എന്തിരിക്കുന്നു
എന്ന് ചോദിക്കരുത്- പേരിലും
പലതിലും പലതും ഇരിക്കുന്നു.

മാസിഡോണിയന്‍ ചക്രവര്‍ത്തിയുടെ സൈന്യ വ്യുഹത്തില്‍
അലക്സാണ്ടര്‍ എന്ന് പേരായ പേടി തൊണ്ടന്‍
യോദ്ധാവ് ഉണ്ടായിരുന്നു
"എന്റെ കൂടി പേര് കളയാന്‍, നീ ഇങ്ങനെ ഈ പേരുമായി
തുടരരുതെന്ന്" പറഞ്ഞ യവന രാജാവ്
പേരിന്റെ പേരില്‍ ഒരു പോരെടുക്കണമായിരുന്നോ?
അങ്ങ് പേര് മാറ്റിയാല്‍ പോരായിരുന്നോ?
**********************************


ഭാരത സ്ത്രീകള്‍ തന്‍ ഭാവ ശുദ്ധി
--------------------------------

പാന്റിട്ടെന്നു വരുത്തി ഒരുത്തി
MG റോട്ടിലെ തിരക്കുള്ള വീഥിയില്‍
തുടയിലെ മറുക് വരെ കാണിച്ചു കൊണ്ട്
tights ഇട്ടു ഓടുകയാണ്
(ഇവള്‍ക്ക് വീട്ടില്‍ ആരും ഇല്ലേ ചോദിക്കാനും പറയാനും?)

"വീട്ടില്‍ ഉള്ളവരൊക്കെ സ്ലീവ് ലെസ്സ് ലാച്ച ഉടുത്ത്‌ Mrs കൊച്ചി
മത്സരത്തിനു പോയിരിക്കയാണ്‌ ചേച്ചി"

ഈ വേഷത്തില്‍ കുറവായെന്തെന്കിലും പ്രതീക്ഷിക്കരുത്
നാട്ടുകാരെ എന്ന് അവള്‍
നോക്കിയത് എനിക്കിഷ്ട്ടമായി .
ഞാനൊരു റാസ്‌പുട്ടിന്‍ ആയിരുന്നെങ്കില്‍
അവളുടെ കാണാമറയത്തെ എല്ലാ മറുകും
എന്നേ എഞ്ചുവടി ആക്കിയേനെ ..

വല്ല സദാചാരപ്പോലീസുകാര്‍
പൊക്കിയാലെ പിന്നെ നാട്ടുകാര്‍ക്ക് പ്രശ്നമാകൂ.
നിയമ സഭയില്‍ വരെ..
അത് വരെ വയലില്‍ മേയുന്ന പശു .

ചതിക്കപ്പെടുന്നവരുടെ ഓണം

ചതിയില്‍പ്പെടുന്നവരെ ഓര്‍ക്കുവാന്‍ ഒരോണം
ചതിച്ചവനും വീണവനും ഒരുമിച്ചുരുന്നുണ്ണുന്ന ഓണം
അസുരന് ദേവ ഗുണങ്ങള്‍ പാടില്ലെന്ന്
ഓര്‍മ്മപ്പെടുത്തുന്ന ഓണം

ഭൂ മാഫിയകള്‍ക്ക്‌ ഒരു പൂര്‍വികന്‍
-വാമനന്‍ -

മൂന്നടി മണ്ണ് മാത്രം ചോദിച്ചു
മൂന്നടി പൊക്കത്തില്‍ വരുന്നവനെ
ആരെങ്കിലും വിശ്വാസിക്കോ?

കെണി അറിയാതെ ,
ബലി , പാവം OK മൂളി

വെള്ളം എടുത്ത കിണ്ടിയില്‍, വണ്ടായ്
തടസം നിന്നതും ഗുരു ,
പറഞ്ഞാല്‍ തലയില്‍ കയറണ്ടായോ?
കണ്ടകത്തില്‍ ശനി കൊണ്ടേ പോകൂ.

-പോയ ബുദ്ധി ആന പിടിച്ചാല്‍ കിട്ടോ?-

രാജ്യം പോയവന്
രാജാവ് എന്ന് വിളിക്കരുതെന്നു
സോഷ്യല്‍ റിബലുകള്‍
(സഖാവ് എന്ന് വിളിക്കാമോ?)
കടിച്ചതും ഇല്ല, പിടിച്ചതും.

ഒരോണം ഉണ്ണാന്‍
ചാല"ക്കുടി"യിലും കരു"നാഗ"പ്പിള്ളിയിലും
കുടിയന്മാരെ മുട്ടി നടക്കാന്‍ വയ്യഞ്ഞു
"പാമ്പ"ക്കുടി" വരെ പോകുന്നവര്‍ക്കുള്ള
ഓണം-നല്ലോണം

ചവിട്ടി താഴ്ത്ത പ്പെടുന്നവര്‍ക്ക് എന്തോണം?
കണ്ടാല്‍ വര്‍ക്കത്തുള്ള
ഒരോണം ഉണ്ണാന്‍
ഇനി എത്ര ഓണം കൂടുതല്‍
ഉണ്ണണം?